ԵՄ-ն շարունակում է մնալ Հայաստանի խոշորագույն առևտրային գործընկերը
Ըստ Ազգային վիճակագրության ծառայության կողմից այսօր հրապարակված նախնական տվյալների, 2012թ հունվար-հուլիս ամիսներին ՀՀ արտաքին առևտրաշրջանառության ամենախոշոր գործընկերը շարունակում է մնալ Եվրամիությունը: ԵՄ-ն պահպանել է թիվ 1 առևտրային գործընկերոջ դիրքը՝ չնայած այն հանգամանքին, որ այս տարվա ԵՄ-Հայաստան առևտրաշրջանառությունը նվազել է 2,3%-ով (957.9 միլիոն դոլար, նախորդ տարվա նույն ժամանակահատվածի 980 միլիոնի փոխարեն): Միևնույն ժամանակ ԱՊՀ երկրների հետ առևտրաշրջանառությունն աճել է 14,7%-ով ՝ նախորդ տարվա 776.4 միլիոն դոլարից հասնելով 891.1 միլիոն դոլարի:
