Հայաստանը գլխավորում է աշխարհի ամենազայրացած երկրների ցուցակը. «Գելլափ»
«Գելլափ» գլոբալ վերլուծությունների ու հետազոտությունների ընկերությունը, որի հիմնական գործառույթը կազմակերպություններին ու առաջնորդներին՝ իրենց առջև ծառացած խնդիրները լուծելուն աջակցելն է, 2019 թվականի ապրիլին հետազոտություն է իրականացրել՝ պարզելու, թե որքա՞ն զայրացած են մարդիկ աշխարհում ու որո՞նք են ամենազայրացած երկրները:
Կարելի է ասել, որ բոլոր մարդիկ իրենց ամենօրյա կյանքում զայրանում են՝ անկախ նրանից՝ հանդիպե՞լ են հիասթափության, զայրացել են հասարակական տրանսպորտի վիճակի՞, թե՞ աշխատավայրում ինչ-որ թյուրըմբռնման պատճառով: «Գելլափի» 2019 թվականի Համաշխարհային Զգացմունքների զեկույցը ներառում է նաև հույզերի չափումը (զայրույթի մակարդակը ևս) աշխարհի 143 երկրում: Ըստ հետազոտության, առավել հաճախ զայրանում են Մերձավոր Արևելքում:
«Գելլափը» պարզել է, որ Հայաստանում մարդկանց 45 տոկոսը «երեկ շատ են զայրացել»: Սա աշխարհում գրանցված ամենաբարձր ցուցանիշն է:
Տարիներ տևած պատերազմից հետո իրաքցիներն ունեն զայրույթի պատճառների մեծ ցուցակ, և դա ներառում է կառավարության գործողությունների բացակայության պատճառով երկրի որոշ հատվածներում, որոնք գտնվում են Իսլամական պետություն ռազմական խմբավորման ենթակայության տակ, հիմնական հանրային ծառայությունների բացակայությունը: Իրաքը ցուցակում երկրորդն է՝ 44 տոկոսով:
Հարևան Իրանում բնակիչների 43 տոկոսին զայրացնում են վերջին տասնամյակներում երկրի որոշ հատվածների քաղաքական, տնտեսական և սոցիալական հիասթափությունները:
ԱՔՍԱՆՆԱ ՀԱՅՐԱՊԵՏՅԱՆ
