Gallup-ն արդի մարդկանց մոտ բացասական հույզերի ռեկորդային ցուցանիշ է արձանագրել
Աշխարհի 140 երկրների բնակիչները խոստովանել են, որ սկսել են շատ ավելի հաճախակի սթրես, հուզմունք եւ թախիծ ապրել։ Ժամանակակից բնակչության մոտ զայրույթի, հուզմունքի եւ թախծի մակարդակը նոր հակառեկորդ է սահմանել: Այս եզրակացությանն են հանգել Gallup-ի սոցիոլոգները, որոնք հարցում են արել ավելի քան 150 հազար մարդու աշխարհի 140 երկրներից:
Հարցման մասնակիցներին առաջարկվել է հիշել, թե իրենք ինչ զգացմունքներ են ունեցել հարցումից մեկ օր առաջ, ընդ որում հաշվի են առնվել ինչպես դրական, այնպես էլ բացասական հույզերը: Պարզվել է, որ, ամբողջությամբ վերցված, նեգատիվի մակարդակը մնացել է անցյալ տարվա նշագծին՝ 30 տոկոս:
Սակայն զայրույթը, հուզմունքը եւ թախիծն այս անգամ գերազանցել են բոլոր ռեկորդները՝ համապատասխանաբար 22, 39 եւ 24 տոկոս: Ի դեպ, հարցման արդյունքներով ամենադժբախտ երկրներն են եղել Չադը, Նիգերը, Սիեռա Լեոնեն, Իրաքը եւ Իրանը: Իսկ ահա բացասական հույզերի մասին ամենից քիչ են խոսել Թայվանի, Մինգապուրի եւ Ղազախստանի բնակիչները, հաղորդել է Life-ը:
