Հրեական իմաստուն առակ ամուսնալուծության մասին
Մոյշան գնում է ռաբինի մոտ և ասում, որ ցանկանում է ամուսնալուծվել կնոջից: Ռաբինը սկսում է համոզել նրան չանել դա:
– Մոյշա, ինչո՞ւ ես ցանկանում ամուսնալուծվել: Չէ՞ որ քեզ համար վատ կլինի:
– Ոչ, ինձ համար լավ կլինի:
Այդպես նրանք երկար ժամանակ վիճում են, և վերջապես ռաբինն ասում է.
– Լսիր, Մոյշա: Քո կինն այնքան գեղեցիկ է, այնքան հաճելի, նա աչք է շոյում, և այդպիսի կնոջ մասին յուրաքանչյուրն է երազում: Բոլորը գիտեն նրա արժանիքները: Իսկ դու նրան ցանկանում ես թողնել: Բայց ինչո՞ւ:
Մոյշան լուռ հանում է կոշիկը և դնում է ռաբինի առաջ:
– Ինչո՞ւ ես ինձ ցուցադրում քո կոշիկը:
– Ռաբին, նայիր այս կոշիկին:
– Ինչո՞ւ նայեմ կոշիկին: Ի՞նչ կապ ունի կոշիկը:
– Ռաբին, սա հիանալի կոշիկ է: Բոլորը տեսնում են, թե այն ինչ գեղեցիկ է, ինչ հաճելի է, ինչպես է շոյում մարդու աչքը, և բոլորը ցանկանում են ունենալ այսպիսի կոշիկ, բայց միայն ես գիտեմ, թե ինչպես է այս սրիկան սեղմում ոտքս:
Պատրաստեց 168.am-ը
