Նազարբաևն Էտալոնային է որակել Ռուսաստանի և Ղազախստանի հարաբերությունները
Ղազախստանի նախագահ Նուրսուլթան Նազարբաեւը, հոկտեմբերի 5-ին հանդես գալով ժողովրդին հղած ուղերձով, Ռուսաստանի հետ հանրապետության հարաբերությունները որակել է Էտալոնային:
«Այսօր Ռուսաստանի Դաշնության հետ Ղազախստանի հարաբերությունները միջպետական կապերի Էտալոն են, եւ մենք կշարունակենք զարգացնել այդ ուղղությունը»,-ասել է նախագահը: Նազարբաեւը նաեւ հաջողված է համարել Եվրասիական տնտեսական միության աշխատանքը:
«Հաջողությամբ է գործում Եվրասիական տնտեսական միությունը, որը կայացել է որպես լիարժեք ինտեգրացիոն միավորում եւ համաշխարհային տնտեսական հարաբերությունների ակտիվ անդամ»,-հավելել է նա, հաղորդել է ՌԻԱ Նովոստին:
