Ուղղաթիռի կործանման հետևանքով զոհվել է ՌԴ գլխավոր դատախազի տեղակալ Սահակ Կարապետյանը. աղբյուր
Ռուսաստանի Կոստրոմայի մարզում AS-350 ուղղաթիռի կործանման հետեւանքով, նախնական տվյալներով՝ զոհվել է Ռուսաստանի գլխավոր դատախազի տեղակալ Սահակ Կարապետյանը: Այդ մասին ՏԱՍՍ-ին հայտնել է արտակարգ ծառայությունների մի աղբյուր:
«Նախնական տեղեկատվության համաձայն՝ Կարապետյանը գտնվում Էր կործանված ուղղաթիռում»,-ասել է նա:
Մեկ այլ աղբյուրի խոսքով՝ Կարապետյանն արձակուրդում էր: Այս տեղեկատվության պաշտոնական հաստատում ՏԱՍՍ-ն առայժմ չունի:
