Ռուսական հարվածներից Կիևի մարզում երեք զոհ կա
Ռուսական հարվածների հետևանքով Ուկրաինայի մայրաքաղաք Կիևից հյուսիս-արևելք գտնվող շրջանում երեք մարդ է զոհվել, այդ թվում՝ երեխա, կան վիրավորներ այսօր հայտնել է տարածաշրջանի ռազմական վարչակազմի ղեկավարը։
Վերջին ամիսներին Մոսկվան զգալիորեն ընդլայնել է Ուկրաինայի մայրաքաղաքի ուղղությամբ հարձակումները՝ սովորաբար կարճատև ինտենսիվ հարվածների ժամանակ արձակելով բալիստիկ հրթիռների խմբաքանակներ։
Կիևից հյուսիս-արևելք գտնվող Բրովարիի շրջանում հարձակումների հետևանքով ընկած բեկորները վնասել են տներ և մեքենաներ, ինչպես նաև հրդեհ է բռնկվել ոչ բնակելի շենքում, հայտնում է տարածաշրջանի ռազմական վարչակազմի ղեկավարը։
Կիևում գիշերվա հարձակումների հետևանքով չորս մարդ վիրավորվել է, հայտնել է քաղաքի ռազմական վարչակազմը:
Ավելի վաղ վարչակազմը հայտնել էր, որ «Կիևում օդային տագնապ է հայտարարվել՝ բալիստիկ հրթիռների կիրառման պատճառով»՝ բնակիչներին կոչ անելով պատսպարվել։
