Գագիկ Ղազինյանին ծանուցել են` սեպտեմբերի 1-ից ԵՊՀ-ում չի աշխատի
«Ժողովուրդ» օրաթերթի լավատեղյակ աղբյուրները փոխանցում են, որ սեպտեմբերի 1-ից ԵՊՀ իրավագիտության ֆակուլտետի նախկին դեկան, ՀՀ արդարադատության խորհրդի նախկին անդամ Գագիկ Ղազինյանը կազատվի Երևանի պետական համալսարանի դասախոսի աշխատանքից։
Հուլիսի 7-ին Ղազինյանին տեղեկացրել են, որ համալսարանը նրա հետ այլևս չի շարունակելու աշխատանքային պայմանագիրը։
Հիշեցնենք, որ Գագիկ Ղազինյանի որդին՝ «Ուժեղ Հայաստան» կուսակցության անդամ Դավիթ Ղազինյանը, մեղադրվում է ընտրակաշառք տալու նախապատրաստության համար։ Նա հունիսի 18-ին կալանավորվել էր, և այդ գործը շարունակում է մնալ քաղաքական ու հանրային քննարկումների կենտրոնում։
