Իրանի արտգործնախարարը Թուրքիայի և Օմանի գործընկերների հետ քննարկել է իրավիճակը Հորմուզի նեղուցում

Իրանի արտգործնախարար Աբբաս Արաղչին հուլիսի 9-ին Թուրքիայի և Օմանի գործընկերներ Հաքան Ֆիդանի ու Բադր ալ-Բուսաիդիի հետ հեռախոսազրույցների ընթացքում քննարկել է Մերձավոր Արևելքում, մասնավորապես, Հորմուզի նեղուցում տիրող իրավիճակը։

Այս մասին հայտնել է Իրանի ԱԳՆ մամուլի ծառայությունը։

Իրանի արտգործնախարարության տարածած հաղորդագրությունում նշվում է նաև, որ Թուրքիան և Օմանն ընդգծել են դիվանագիտության, հաղորդակցության և համատեղ ջանքերի կարևորությունը՝ տարածաշրջանային խնդիրները լուծելու և Իրանի ու ԱՄՆ միջև լարվածությունը կանխելու համար։ Կողմերը քննարկել են նաև փոխադարձ անհանգստություն առաջացնող այլ հարցեր։