Եվրոպայում մեզ անհրաժեշտ միակ բանը, որ դեռ պետք է անենք, ՌԴ-ի բալիuտիկ hրթիռների դեմ nւժեղ պաշտպանnւթյուն կառուցելն է. Զելենսկի
Եվրոպայում մեզ անհրաժեշտ միակ բանը, որ դեռ պետք է անենք, Ռուսաստանի բալիստիկ հրթիռների դեմ ուժեղ պաշտպանություն կառուցելն է։ Սա մեծ մարտահրավեր է։ Ճիշտ է՝ սա Ռուսաստանի վերջին խոշոր առավելությունն է։ Այս մասին ՆԱՏՕ-ի գագաթնաժողովի ժամանակ ասել է Ուկրաինայի նախագահ Վլադիմիր Զելենսկին:
«Ես կարծում եմ, որ Եվրոպան հրատապ կարիք ունի հակաբալիստիկ համակարգեր և դրանց համար անհրաժեշտ հրթիռներ արտադրելու սեփական կարողության։ Մենք բոլորս գնահատում ենք Patriot համակարգը. այն հիանալի համակարգ է, և կան նաև այլ համակարգեր։
Սակայն այսօրվա պատերազմները ցույց են տվել, որ Patriot-ի ներկայիս արտադրությունը բավարար չէ բալիստիկ հրթիռներից պաշտպանվելու աճող պահանջարկը բավարարելու համար։ Դա փաստ է, և մենք պետք է արձագանքենք այդ փաստին»,- ասել է Զելենսկին:
