Զելենսկին Գերագույն ռադա է ներկայացրել «Ուկրաինական ազգային պանթեոնի» ստեղծման մասին օրինագիծ

Ուկրաինայի նախագահ Վլադիմիր Զելենսկին Գերագույն ռադա է ներկայացրել «Ուկրաինական ազգային պանթեոնի» ստեղծման մասին օրինագիծ՝ ուկրաինական պատմության նշանավոր գործիչներին նվիրված հուշահամալիրի վերաբերյալ, հայտնում է РБК-Украина-ն՝ հղում անելով խորհրդարանի կայքում հրապարակված փաստաթղթին և երկրի նախագահի գրասենյակի ղեկավար Կիրիլ Բուդանովի հայտարարությանը։

Ըստ Բուդանովի, նախաձեռնությունն ուղղված է պատմական արդարության վերականգնմանը, ազգային միասնության ամրապնդմանը և ապագա սերունդների համար պետական հիշողության համակարգի ձևավորմանը։ Նա ընդգծել է, որ օրինագիծը կարևոր նշանակություն ունի ուկրաինական հասարակության համախմբման համար և արտացոլում է երկրի «պետական հասունությունը»։

Ուկրաինայի նախագահի գրասենյակի ղեկավարը նշել է, որ հիշողությունը պետք է պահպանվի ինչպես անցյալի գործիչների, այնպես էլ երկրի ժամանակակից պաշտպանների մասին։ Նա հայտարարել է, որ ուկրաինացիները պետք է ինքնուրույն որոշեն իրենց հերոսներին և պատմական ուղենիշները՝ առանց արտաքին ազդեցության։

Ուկրաինայի նախագահի գրասենյակում ակնկալում են, որ խորհրդարանը արագորեն կքննարկի և կընդունի օրինագիծը։