Իտալիան և Ֆրանսիան կստեղծեն կոալիցիա Լիբանանին աջակցելու համար
Իտալիան և Ֆրանսիան պայմանավորվել են կոալիցիա ստեղծել Լիբանանին աջակցություն ցուցաբերելու համար՝ այն բանից հետո, երբ ավարտվի Միավորված Ազգերի Կազմակերպության (ՄԱԿ) Ժամանակավոր ուժերի մանդատի ժամկետը։ Այս մասին հունիսի 25-ին Անտիբում կայացած գագաթաժողովի ավարտից հետո մամուլի ասուլիսի ժամանակ հայտնել է Իտալիայի վարչապետ Ջորջիա Մելոնին։
«Լիբանանի ճգնաժամային իրավիճակում Իտալիան և Ֆրանսիան կարող են վճռորոշ դեր խաղալ։ ՄԱԿ առաքելությունը (ՄԱԿ Ժամանակավոր ուժերը Լիբանանում, UNIFIL) ավարտվում է տարվա վերջին, և մենք որոշել ենք կոալիցիա ստեղծել Լիբանանին աջակցելու և մշակել ծրագիր առաքելության ավարտից հետո գործելու համար», — հայտարարել է նա։
Ինչպես նշել է Մելոնին, առաջիկայում պետք է կազմակերպվի նաև միջազգային համաժողով Լիբանանում տիրող իրավիճակի վերաբերյալ։ Քաղաքական գործիչը հավելել է, որ հիմնական նպատակը կլինի անվտանգության երաշխիքների ապահովումն «այսքան կարևոր տարածաշրջանում»։
