Հյուսիսային Կորեան մի քանի կարճ հեռահարության բալիստիկ հրթիռ է արձակել
Հյուսիսային Կորեայի զինվորականները երեքշաբթի օրը մի քանի կարճ հեռահարության բալիստիկ հրթիռ են արձակել Դեղին ծովի ուղղությամբ։ Այս մասին հայտնել է Yonhap գործակալությունը՝ հղում անելով Կորեայի Հանրապետության զինված ուժերի շտաբների պետերի միացյալ կոմիտեին։
Հրթիռներն արձակվել են Փհենան-Պուկտո նահանգի Չոնջու քաղաքի մերձակայքից։ Խոսքն այն հրթիռների մասին է, որոնց թռիչքի հեռահարությունը, ըստ Հարավային Կորեայի զինված ուժերի դասակարգման, չի գերազանցում 300 կիլոմետրը։
Հիշեցնենք, որ ապրիլի 19-ին ևս Կորեայի Հանրապետության զինված ուժերը հայտնել էին Սինփհո քաղաքի շրջանից Ճապոնական ծովի ուղղությամբ մի քանի կարճ հեռահարության բալիստիկ հրթիռների արձակման մասին։
