Պուտինն ու Ցզինպինը կքննարկեն՝ պահե՞լ Թրամփին, թե՞ ոչ՝ Կոնգրեսի միջանկյալ ընտրությանն ու դրանից հետո. Հակոբ Բադալյան
Հակոբ Բադալյանը գրում է. «ՌԴ նախագահի օգնական Ուշակովը արել է բավականին ուշագրավ հայտարարություն, ասելով, որ Չինաստանում Պուտինն ու Սի Ցզինպինը թեյի սեղանի շուրջ կքննարկեն Ուկրաինայի կոնֆլիկտը, Իրանի շուրջ ստեղծված իրավիճակը եւ Թրամփի հետ փոխհարաբերությունը:
Ուշագրավն իհարկե հենց վերջինն է, այն իմաստով, որ ուկրաինական ու իրանյան թեմաները բնականաբար բոլոր միջազգային հանդիպումների ուղեկից են, բայց երբ ռուս-չինական բարձր մակարդակով քննարկվում է երրորդ երկրի նախագահի հետ փոխհարաբերությունը՝ հենց նախագահի հետ, ապա սա իսկապես ուշագրավ հանգամանք է: Այն էլ՝ թեյի սեղանի շուրջ:
Եթե առավել կոնկրետանամ, թե ըստ իս ինչ հարց են քննարկելու Պուտինն ու Ցզինպինը, ապա կարծում եմ, որ այստեղ հարցը վերաբերում է ԱՄՆ ներքին վիճակին եւ Թրամփի դիրքերին: Ըստ ամենայնի, Պուտինն ու Ցզինպինը կքննարկեն՝ պահե՞լ Թրամփին, թե՞ ոչ՝ Կոնգրեսի միջանկյալ ընտրությանն ու դրանից հետո՝ մինչեւ 2028»:
