Լիբանանը մերժում է «զինաթափում» եզրույթը Իսրայելի հետ բանակցություններում
Բեյրութն իր դիրքորոշումն է փոխանցել միջնորդներին՝ Իսրայելի հետ անվտանգության հարցերի շուրջ հնարավոր համաձայնությունների քննարկման շրջանակում։ Դրա մասին Al Jazeera Arabic հեռուստաալիքին հայտնել է լիբանանյան անանուն պաշտոնական աղբյուրը։
Նշվում է, որ Իսրայելի հետ մտադրությունների մասին հռչակագրի նախագիծն ուսումնասիրվում է ԱՄՆ հովանու ներքո և դեռևս վերջնական տեսքի չի բերվել։
Լիբանանը կողմ է ՄԱԿ-ի հրադադարի հսկողության կազմակերպության (UNTSO) գործունեության ակտիվացմանը՝ Իսրայելի կողմից հրադադարի ռեժիմի խախտումները վերահսկելու համար։
Աղբյուրը նշել է, որ Լիբանանի կառավարությունը մերժել է «զինաթափում» եզրույթի կիրառումը «Հըզբոլլահ» շարժման նկատմամբ։ Լիբանանն առաջարկում է ստեղծել լիբանանա-ամերիկյան փաստահավաք հանձնաժողով՝ բանակի պարտավորությունների կատարումը վերահսկելու համար։
Ընդգծվում է, որ Իսրայելի հետ անվտանգության հարցերի շուրջ բանակցային գործընթացը կրում է բացառապես տեխնիկական բնույթ։
Բացի դրանից, լիբանանյան բանակի կազմում չի նախատեսվում ձևավորել առանձին բրիգադ, որի խնդիրը կլիներ «Հըզբոլլահի» սպառազինությունների սահմանափակումը։
Խորհրդարանի խոսնակ Նաբիհ Բերրին դիտարկվում է որպես պետական գործիչ, և նրա դիրքորոշումը շիա համայնքի ներսում պետք է հարգվի։
