Փաշինյանն ասում էր՝ «ամեն ՀՀ քաղաքացի վարչապետ է», բայց այսօր գնում է ընտրությունների՝ ժողովրդին անվանելով «շուն շանգյալ»-ներ. Դանիելյան
ՀՀԿ Երիտասարդական կազմակերպության նախագահ Հենրիխ Դանիելյանը երկրի վարչապետ Փաշինյանի խոսույթին է անդրադարձել՝ գրելով.
«2018-ին Նիկոլ Փաշինյանն եկավ իշխանության՝ «ամեն ՀՀ քաղաքացի վարչապետ է» և «Հայաստանում ապրում է երեք միլիոն վարչապետ» լոզունգներով։
Այսօր նույն մարդը գնում է ընտրությունների՝ նույն այդ ժողովրդին դիմելով վիրավորական ու նվաստացնող ձևակերպումներով, մասնավորապես՝ նրանց անվանում է «շուն շանգյալ»-ներ։
Սա է «ժողովրդավարությունը»՝ փաշինյանական առանձնահատկություններով»։
