Չինաստանի ԱԳՆ-ում հայտարարել են Մերձավոր Արևելքում խաղաղությանը նպաստելու մտադրության մասին
Չինաստանը մտադիր է ջանքեր գործադրել Մերձավոր Արևելքում խաղաղությունն ու կայունությունը արագ վերականգնելու համար: Այս մասին երեքշաբթի օրը ճեպազրույցի ժամանակ հայտարարել է Չինաստանի արտաքին գործերի նախարարության խոսնակ Գո Ցզյակունը։
Ավելի վաղ ԱՄՆ փոխնախագահ Ջեյ Դի Վենսը հայտարարել էր, որ Վաշինգտոնը հասել է Իրանի վրա հարձակվելու իր նպատակներին, և որ գործողությունը կարող է ավարտվել։
«Ներկայիս հրադադարի իրավիճակը չափազանց փխրուն է, և տարածաշրջանում իրավիճակը գտնվում է կրիտիկական փուլում»,- ասել է Գո Ցզյակունը՝ մեկնաբանելով Վենսի խոսքերը։
