Փաշինյանը հայտարարել է, որ Հայաստանում ռուսական բիզնեսի համար սպառնալիքներ չկան, բայց փաստերը հակառակն են ասում. Օվերչուկ
Նիկոլ Փաշինյանը բացահայտ հայտարարել է, որ հանրապետությունում ռուսական բիզնեսը սպառնալիքի տակ չէ, սակայն փաստերը հակառակն են խոսում։ Այս մասին ՏԱՍՍ-ին տված հարցազրույցում հայտարարել է Ռուսաստանի փոխվարչապետ Ալեքսեյ Օվերչուկը։
«Անցած ամառ մենք Հայաստանի վարչապետին ուղիղ հարց ուղղեցինք Հայաստանում ռուս ներդրողների հեռանկարների վերաբերյալ։ Մեր ուղիղ հարցին ուղիղ պատասխան տրվեց՝ Հայաստանում ռուսական բիզնեսին ոչինչ չի սպառնում։ Փաստերն էլ հակառակն են ասում։ Մենք տեսնում ենք, որ մեզ ասում են մի բան, բայց իրականում տեղի է ունենում բոլորովին այլ բան: Սկզբում խախտվել են ռուսաստանցի գործարարի սեփականության իրավունքները, որը շահեր ուներ էլեկտրաէներգիայի գնման և մանրածախ առևտրի ոլորտում, իսկ այժմ ռուսական պետական ընկերությանն առաջարկ է արվել վաճառել կոնցեսիան»,- ասել է նա։
Ինչպես նշել է Օվերչուկը, Մոսկվան գիտակցում է, որ արևմտամետներից բացի, Հայաստանում կան մարդիկ, ովքեր ցանկանում են կրճատել հարաբերությունները Ռուսաստանի հետ և հեռացնել ռուսական բիզնեսը հանրապետությունից։
