ԱՄՆ-ը Իրանից սպասում էր ավելի լուրջ պատասխան հարված. Թրամփ
Վաշինգտոնի վարչակազմը սպասում էր Իրանի պատասխան հարվածին Մերձավոր Արևելքում գտնվող ամերիկյան ուժերի և օբյեկտների դեմ, սակայն ենթադրում էր, որ այն կլինի զգալիորեն ավելի հզոր։ Այս մասին ԱՄՆ նախագահ Դոնալդ Թրամփը հայտարարել է CBS News հեռուստաալիքին տված հարցազրույցում։
«Սա այն էր, ինչ մենք սպասում էինք», — ասել է նա։ «Բայց մենք կարծում էինք, որ այն կլինի կրկնակի ավելի ուժեղ», — հավելել է պետության ղեկավարը՝ խոսելով Իրանի պատասխան հարվածի մասին։ «Առայժմ դա ավելի թույլ է, քան մենք ենթադրում էինք», — հավելել է Սպիտակ տան ղեկավարը։
