Պուտինը հայտարարել է` Ռուսաստանը Կուբայի դեմ նոր սահմանափակումները համարում է անընդունելի
Ռուսաստանն անընդունելի է համարում Կուբայի դեմ նոր սահմանափակումները, ասել է Ռուսաստանի նախագահ Վլադիմիր Պուտինը. հայտնում է РИА Новости-ն։
«Հիմա հատուկ փուլ է, նոր պատժամիջոցներ։ Դուք գիտեք, թե ինչպես ենք վերաբերում դրան։ Մենք նման բան չենք ընդունի»,- ասել է Պուտինը Կուբայի արտգործնախարար Բրունո Ռոդրիգես Պարիլյայի հետ հանդիպման ժամանակ։
«Մեր արտաքին գործերի նախարարության դիրքորոշումը բաց է, հստակ և միանշանակ»,- ընդգծել է նա։
Պուտինը նշել է, որ Ռուսաստանին և Կուբային կապում են հատուկ, պատմականորեն ձևավորված հարաբերությունները։
