Ապօրինի ճանապարհով Վրաստան է ներմուծվել 5 մլն եվրո արժողությամբ 59 մեքենա
Վրաստանի Եկամուտների ծառայության հաղորդագրության համաձայն՝ փորձ է արվել անօրինական ճանապարհով Վրաստան ներմուծել 5 միլիոն եվրո արժողությամբ ավտոմեքենաներ, որոնց VIN կոդերը փոխվել են։
«Մաքսային վերահսկողության շրջանակներում Բաթումիի մաքսային ծառայությունների աշխատակիցները բացահայտել են մոտավորապես 5 միլիոն եվրո արժողությամբ 59 մեքենայիի անօրինական ներմուծման փորձի փաստեր։
Կասկածի հիման վրա լիազորված անձը ստուգել է տվյալները և պարզել արտադրողի ներկայացրած նույնականացման կոդի, այսպես կոչված` VIN կոդի, փոփոխության փաստը։
Գործի նյութերը փոխանցվել են Ներքին գործերի նախարարության համապատասխան ծառայությանը` հետագա քննության համար»,- ասված է Եկամուտների ծառայության հաղորդագրության մեջ։
