Մադրիդի «Ռեալը» սենսացիոն պարտություն կրեց
Իսպանիայի գավաթի խաղարկության 1/8 եզրափակչում գրանցվեց խոշոր անակնկալ։ Մադրիդի «Ռեալը» հյուրընկալվելիս 2։3 հաշվով զիջեց Սեգունդան ներկայացնող «Ալբասետեին» և դուրս մնաց պայքարից։
«Կառլոս Բելմոնտե» մարզադաշտում կայացած հանդիպումը դրամատիկ ընթացք ստացավ։ 42-րդ րոպեին Խավի Վիլյարը առաջ մղեց տանտերերին, սակայն մինչև ընդմիջման գնալը՝ 45+3-րդ րոպեին, արգենտինացի Ֆրանկո Մաստանտուոնոն վերականգնեց հաշվի հավասարությունը։
Երկրորդ խաղակեսի վերջնամասում «Ալբասետեն» կրկին առաջ անցավ հաշվի մեջ. 82-րդ րոպեին աչքի ընկավ Խեֆտե Բետանկորը։ «Արքայական ակումբին» հաջողվեց փրկել իրավիճակը 90+1-րդ րոպեին Գոնսալո Գարսիայի խփած գոլի շնորհիվ, սակայն ավելացված 4-րդ րոպեին Բետանկորը դուբլ ձևակերպեց՝ հաղթանակ պարգևելով իր թիմին։
Նշենք, որ այս հանդիպումը առաջինն էր Ալվարո Արբելոայի համար՝ որպես «Ռեալի» գլխավոր մարզիչ։ Նա այդ պաշտոնում փոխարինել էր իր հայրենակից Խաբի Ալոնսոյին։
