Առաջին համաշխարհային պատերազմի ժամանակ հայերս ևս անպատրաստ էինք մեծ ցնցումներին դիմակայելու և դրվեցինք զոհասեղանին. Հայկ Նահապետյան

Ռազմական փորձագետ, պահեստազորի գնդապետ Հայկ Նահապետյանը Ֆեյսբուքի իր էջում գրում է. «ԱՄՆ-ի վարչակազմի կողմից Վենեսուելայի նախագահին առևանգելը և գերևավարելը հետապնդում է հետևյալ նպատակները․

1․ ԱՄՆ-ը ցանկանում է Ամերիկա մայրցամաքի բոլոր պետություններին վերցնել անմիջական վերակսկողության և կառավարման ներքո։ Առաջին հերթին՝ Վենեսուելա, Կանադա, Մեքսիկա, Բրազիլիա։

2․ Տիրանալ աշխարհի Վենեսուելայի նավթի ամենամեծ պաշարին՝ 19,6 %-ին, մոտ 303-304 միլիարդ բարել։

3․ ԱՄՆ-ի ռազմավարական նպատակը իր նկատմամբ Չինաստանի տնտեսության առավելությունը չեզոքացնելն է՝ դեպի Չինաստան գնացող Վենեսուելայի և Իրանի նավթային հոսքերը կանգնեցնելով կամ պակասեցնելով։

4․ Իրանում պատրաստվում է դասական ձևով պետական հեղաշրջում ՝ գունավոր հեղափոխության և անջատողականության գործիքակազմով։

Փաստացի, այդ գործողություններին մասնակցելու են Ադրբեջանը և Թուրքիան, չբացառելով նաև Հայաստանի ներգրավվածությունը։

Միլիոնավոր փախստականներ, ռազմական գործողություններ, ահաբեկչություններ, տարածքների օկուպացիա։ Մի խոսքով ավեր և կորուստներ։

Բարի գալուստ 2026։

Աշխարհի նոր վերաբաժանումը ընթացքի մեջ է։

1-ին համաշխարհային պատերազմի ժամանակ հայերս ևս անպատրաստ էինք մեծ ցնցումներին դիմակայելու և դրվեցինք զոհասեղանին։ Նույն սցենարը այսօր բախում է Մեր դուռը»։