Լիտվան լքել է հակահետևակային ականներ արտադրելն ու օգտագործելն արգելող Օտտավայի կոնվենցիան
Լիտվան պաշտոնապես դուրս է եկել Օտտավայի կոնվենցիայից, որն արգելում է հակահետևակային ականների օգտագործումը, արտադրությունը, պահելը և փոխանցելը այլ կողմին։ Այս մասին հայտնել է Լիտվայի պաշտպանության նախարարությունը։
«Անցել է 6 ամիս, ինչ մենք ՄԱԿ Գլխավոր քարտուղարին ծանուցել ենք կոնվենցիայից դուրս գալու մասին»,- ասված է հաղորդագրությունում։
Ինչպես ավելի վաղ նշել էր երկրի Պաշտպանության նախարարի տեղակալ Կարոլիս Ալեքսան, Օտտավայի կոնվենցիան լքելով, Լիտվան հնարավորություն է ստանում 2026 թվականին Ֆինլանդիայի հետ արտադրել հակահետևակային ականներ՝ սեփական կարիքների և Ուկրաինային փոխանցելու համար։
