Նարեկ Մկրտչյանը վստահեցրել է, որ կրոնական ազատությունը Հայաստանում ժողովրդավարության կարևոր բաղադրիչներից է
ԱՄՆ-ում Հայաստանի դեսպանությունից տեղեկացնում են. «Դեկտեմբերի 9-ին դեսպան Նարեկ Մկրտչյանը հանդիպում է ունեցել ԱՄՆ պետքարտուղարության միջազգային կրոնական ազատության գծով ավագ պաշտոնյա Այզաք Սիքսի հետ։ Հանդիպման ընթացքում դեսպանը նշել է, որ կրոնական ազատությունը Հայաստանում ժողովրդավարության կարևոր բաղադրիչներից է։
Ի պատասխան՝ Այզաք Սիքսը կարևորել է ՀՀ կառավարության խաղաղությանը միտված ջանքերը՝ դրանք համարելով կրոնական ազատության ապահովման համար կարևոր նախապայման։ Այզաք Սիքսն ընդգծել է, որ քրիստոնեական արժեքների շուրջ համագործակցությունը Հայաստանի և ԱՄՆ-ի միջև կրում է քաղաքակրթական նշանակություն»։
