Պենտագոնը Alibaba Group-ը, Baidu-ն, BYD-ն կներառի ՉԺՀ-ի ռազմական գործընկերների ռեեստրում
Պենտագոնն առաջարկել է չինական Alibaba Group, Baidu, BYD և ևս հինգ իրավաբանական անձանց ներառել ՉԺՀ-ի ռազմական գործընկերների ռեեստրում: Այս մասին հայտնում է Bloomberg-ը։
Անհայտ է մնում, թե արդյոք այդ ընկերություններն իրականում ներառվել են այն կազմակերպությունների ցանկում, որոնք Պենտագոնի կարծիքով համագործակցում են Չինաստանի Ժողովրդական ազատագրական բանակի հետ:
Այս ցուցակում հայտնվելը ուղղակի իրավական հետևանքներ չի ունենում, բայց նախազգուշացում է ծառայում ամերիկյան ներդրողների համար, բարդացնում է պաշտպանական պայմանագրերի ստացումը, մեծացնում է պատժամիջոցների ռիսկերը և հեղինակության վնաս է պատճառում: Այժմ ռեեստրում ընդգրկված են ավելի քան 130 ընկերություններ։
Ամերիկյան հետախուզության տվյալներով՝ Alibaba Group-ը բանակին է փոխանցել տեխնոլոգիաներ և տվյալներ, որոնք կարող են օգտագործվել ԱՄՆ-ում թիրախների դեմ գործողությունների համար՝ IP հասցեներ, Wi-Fi տեղեկատվություն, վճարումներ և օգտագործողի այլ տեղեկություններ:
Alibaba-ն հերքել է մեղադրանքները և հայտարարել, որ Վաշինգտոնը փորձում է շահարկել հասարակական կարծիքը: Ընկերությունը չի մեկնաբանել բանակի հետ հնարավոր համագործակցության վերաբերյալ հարցերը:
Չինաստանի ԱԳՆ-ն Bloomberg-ին հայտնել է, որ Պեկինը դեմ է Ազգային անվտանգության չափազանց լայն սահմանմանը և «խտրական ցուցակների» ստեղծման ԱՄՆ-ի գործողություններին:
