Պուտինը Բիշքեկում կոմուզ է նվագել
Ռուսաստանի նախագահ Վլադիմիր Պուտինը Բիշքեկում նվագել է ավանդական երաժշտական գործիք՝ կոմուզը։ Կրեմլի մամուլի ծառայությունը հրապարակել է տեսանյութ։
Բիշքեկում ՀԱՊԿ-ի Հավաքական անվտանգության խորհրդի նիստի նախօրեին Ալա-Արչա պետական նստավայրում պետությունների ղեկավարների համար կազմակերպվել է կարճ մշակութային ծրագիր։ Առաջնորդներին ցուցադրվել է փայտից պատրաստված կոմուզը՝ ավանդական եռալար երաժշտական գործիքը։ Այնուհետև ցուցադրողներից մեկը նվագել է պատվավոր հյուրերի համար։
Ռուսաստանի նախագահը վերցրել է կոմուզը, նվագել է մի քանի ակորդ՝ ստուգելու համար, թե արդյոք գործիքը լավ է հնչում:
