Չինաստանի և ԱՄՆ պատվիրակությունները կքննարկեն երկկողմ առևտրատնտեսական հարցերը
Չինաստանի փոխվարչապետ Հե Լիֆենի գլխավորած պատվիրակությունը հոկտեմբերի 24-27-ը Մալայզիայում առևտրային և տնտեսական բանակցություններ կանցկացնի Միացյալ Նահանգների պատվիրակության հետ։ Այս մասին հայտնում է չինական Xinhua գործակալությունը։
«Կողմերը խորհրդակցություններ կիրականացնեն Չինաստան-ԱՄՆ տնտեսական և առևտրային հարաբերություններին առնչվող կարևոր հարցերի շուրջ՝ համաձայն կարևոր կոնսենսուսի, որին երկու երկրի ղեկավարներն այս տարի հասել են հեռախոսազրույցների արդյունքում»,- ասվում է Չինաստանի առևտրի նախարարության տարածած հաղորդագրության մեջ։
