Մեծ Բրիտանիայի վարչապետն ԱՄՆ-ին առաջարկ ունի

Մեծ Բրիտանիայի վարչապետը Միացյալ Նահանգներին առաջարկել է մշակել Ուկրաինայի վերաբերյալ խաղաղության նախագիծ: Այս մասին հաղորդում է Axios-ը՝ հղում անելով աղբյուրներին։

«Զելենսկու և եվրոպացի առաջնորդների միջև հեռախոսազրույցի ժամանակ Մեծ Բրիտանիայի վարչապետ Քիր Սթարմերը առաջարկել է համագործակցել Միացյալ Նահանգների հետ՝ Ուկրաինայի համար խաղաղության համաձայնագիր մշակելու հարցում»,- հաղորդում է հրատարակությունը։

Սթարմերը հեռախոսազրույց է ունեցել Ուկրաինայի նախագահ Վլադիմիր Զելենսկու հետ, ինչպես նաև քննարկել է Կիևին աջակցելու միջոցառումները եվրոպական առաջնորդների և ՆԱՏՕ-ի գլխավոր քարտուղար Մարկ Ռուտտեի հետ։