Ինչո՞ւ Փաշինյանը Եռաբլուր չայցելեց սեպտեմբերի 19-ին
«Ցավոք, մեր պատմության մեջ ողբերգություններն այնքան շատ են. ամեն օր մենք ողբերգություն ենք ունեցել։ Մեր պատմության մեջ այդպիսի օրերը բազմաթիվ են, և դրա համար ունենք հիշատակի օրեր, երբ հարգում ենք մեր նահատակներին։ Մենք նահատակների զոհողությունը պետք է գնահատենք ապրող, զարգացող պետությամբ, որովհետև նրանք ընկել են, որ ՀՀ-ն ապրի։ Եթե այլ կերպ գնանք, ապա 365 օրն էլ ՀՀ-ում պետք է լինի սգի օր, որովհետև, ցավոք, դա մեր պատմությունն ու ճակատագիրն է»,- ասաց Փաշինյանը` ՔԿ-ի համաժողովից հետո պատասխանելով լրագրողների հարցերին։
