Ատամների կորուստն այլևս չի պահանջի թանկարժեք իմպլանտներ. մարդու օրգանիզմը բնական կերպով կփոխարինի կորցրած ատամները
Բժիշկ Ղազարյանը ֆեյսբուքյան իր էջում գրել է. «Գիտնականները արդեն շատ մոտ են նրան, որ ատամների կորուստը այլևս ոչ ոքին չանհանգստացնի, ինչպես հիմա։
Ենթադրվում է որ մոտ ապագայում ատամների կորուստը այլևս չի պահանջի թանկարժեք իմպլանտներ կամ անհարմար ատամնաբուժական պրոթեզներ։
Մարդու օրգանիզմը պարզապես բնական կերպով կփոխարինի կորցրած ատամները, ճիշտ այնպես, ինչպես շնաձկները ողջ կյանքի ընթացքում անընդհատ նոր ատամներ են աճեցնում։ Այս սցենարը շուտով կարող է իրականություն դառնալ, քանի որ ճապոնացի հետազոտողները մշակել են նորարարական դեղամիջոց,որը արթնացնում է մարմնի թաքնված կարողությունը՝ վերականգնելու կորցրած ատամները։
Այս հեղափոխական գաղափարի հիմքում ընկած է USAG-1 սպիտակուցի ակտիվության ընկճումը։Հենց այս սպիտակուցն է սովորաբար արգելում ատամ առաջացնող բջիջների ակտիվությունը։ Երբ այս սպիտակուցի ազդեցությունը դադարում է, դենտալ ցողունային բջիջները վերակենդանանում են և սկսում ձևավորել նոր, լիովին ֆունկցիոնալ ատամներ։ Լաբորատոր փորձերը մկների վրա արդեն ցույց են տվել հեղափոխական հաջողություններ։ Կենդանիները աճեցրել են ամբողջական, առողջ ատամներ, որոնք գործում են նույն կերպ, ինչ իրենց բնածին ատամները։
Այս բժշկական առաջխաղացումը կարող է արմատապես փոխել մեր վերաբերմունքը ատամնաբուժության նկատմամբ։ Արհեստական փոխարինիչների՝ պսակների, կամուրջների կամ հանվող պրոթեզների փոխարեն հիվանդները պարզապես կարող են սպասել, մինչ իրենց մարմինը կարտադրի իսկական նոր ատամներ։
Մարդկանց վրա կլինիկական փորձարկումները նախատեսվում է սկսել 2025 թվականին։ Եթե դրանք հաջողությամբ իրականացվեն, այս վերականգնողական թերապիան հույս կտա միլիոնավոր մարդկանց, ովքեր բախվում են ատամների կորստի խնդրին՝ հնարավորություն տալով նրանց ունենալ իսկական, բնական աճեցված ատամներ, որոնք կվերականգնեն և՛ գործառույթը, և՛ ինքնավստահությունը»:
