Սեպտեմբերի վերջին նախատեսված է այց ՌԴ. ԵԱՏՄ-ին ու ԵՄ-ին միաժամանակ անդամակցելը հնարավոր չէ. Փաշինյան
Նիկոլ Փաշինյանը սեպտեմբերի վերջին կայցելի Ռուսաստան: Այս մասին նա հայտարարեց ՀՀ կառավարության նիստից հետո` ճեպազրույցի ժամանակ` մեկնաբանելով Ռուսաստանի փոխվարչապետ Ալեքսեյ Օվերչուկի հրավերը Երևան կատարած վերջին այցի ընթացքում։
«Ուրախ եմ, որ ինձ սպասում են ՌԴ-ում, ես էլ միշտ սպասում եմ ՌԴ այցելելու հերթական հնարավորությանը։ Ինչպես տեսնում եք, բավականին ակտիվ փոխայցերի պրակտիկա կա ու առաջիկայում` սեպտեմբերի վերջին, նախատեսվում է այդպիսի այց»,– հայտարարեց Փաշինյանը։
Նա նաև նշեց, որ ՇՀԿ-ի շրջանակում պլանավորվել են շփումներ ՌԴ նախագահ Վլադիմիր Պուտինի հետ:
