Երևանին ներկայացվել են ԵԱՏՄ-ի և ԵՄ-ի նորմատիվների անհամապատասխանությունները. Սելեզնյով
ՌԴ փորձագետները հայկական կողմին ներկայացրել են ԵԱՏՄ-ի և ԵՄ-ի նորմատիվ-իրավական բազայի զգալի անհամապատասխանությունները, հայաստանյան արտադրողներին հրավիրել են ավելի լայնորեն օգտագործել ինտեգրացիոն մեխանիզմները՝ ռուսական շուկա հայկական ապրանքների մուտքը արագացնելու համար:
Հայաստանում Ռուսաստանի գործերի ժամանակավոր հավատարմատար Մաքսիմ Սելեզնյովը ՌԴ փոխվարչապետ Ալեքսեյ Օվերչուկի պատվիրակության հայաստանյան այցի արդյունքները ներկայացրել է News.am գործակալությանը:
Ռուսական շուկա հայկական ապրանքների մատակարարման հարցի քննարկման ընթացքում կողմերը նշել են ԵԱՏՄ միասնական մաքսային տարածքի շրջանակում ոչ սակագնային պաշտպանության անհրաժեշտությունը:
Հատուկ ուշադրություն է դարձվել Տնտեսական համագործակցության միջկառավարական հանձնաժողովի հերթական նիստի նախապատրաստմանը, որը նախատեսվում է մինչև տարեվերջ անցկացնել Հայաստանում:
