Ռուս զինվորականների ներկայությունը Գյումրիում ռազմավարական անվտանգության հիմքն է․ ՌԴ հյուպատոս

Օգոստոսի 20-ին Գյումրիում տեղի ունեցան հանդիսավոր միջոցառումներ՝ նվիրված 19-րդ դարում Կովկասյան պատերազմների ժամանակ զոհված ռուս զինվորների հուշակոթողի՝ «Պատվո բլրի» վերականգնման 15-ամյակին:

Գյումրիում Ռուսաստանի Դաշնության գլխավոր հյուպատոս Ի.Բ. Տիտովը, 102-րդ ռազմաբազայի հրամանատար Ա. Վ. Բեզբորոդովը, Լենինականի սահմանապահ ջոկատի պետ Ե. Մ. Ակինշինը և Գյումրու քաղաքապետի տեղակալ Գ. Գ. Մանուկյանը ծաղիկներ դրեցին հուշակոթողին և ողջույնի խոսք հղեցին քաղաքի բնակիչներին և զինծառայողներին:

1856 թվականին ստեղծված ռուս սպաների հուշահամալիրը քանդվել է խորհրդային տարիներին։ Էնտուզիաստների նախաձեռնությամբ, քաղաքի ղեկավարության, 102-րդ ռազմաբազայի, Լենինականի Կարմիր Դրոշի սահմանապահ ջոկատի, Հայաստանում «Գազպրոմ» ՀԲԸ և «Ռուսական երկաթուղիներ» ՓԲԸ դուստր ընկերությունների, ինչպես նաև մի շարք այլ կազմակերպությունների աջակցությամբ հուշահամալիրը վերականգնվել է։

Այստեղ տեղադրվել է ռուս հերոսների հուշարձանը՝ 1910 թվականին Կարսում տեղադրված և 1918 թվականին պայթեցված հուշարձանի նախատիպով։ Իր ելույթում Գյումրիում Ռուսաստանի գլխավոր հյուպատոս ի. Բ. Տիտովն ընդգծել է․ «Պատվո բլուրը», 102-րդ բազան և Լենինականի սահմանապահները, Գյումրի քաղաքը մեր ընդհանուր փառավոր պատմությունն է, Հայաստանում ռուսական հոգևոր ժառանգության աղբյուրը, ռուս և հայ ժողովուրդների դարավոր բարեկամության վկայությունը, ավագ սերունդների հերոսության մասին հիշեցումը:

Գտնվելով այստեղ՝ «Պատվո բլրի» վրա, մենք հստակ հասկանում ենք, որ ռուս զինվորականների ներկայությունը Գյումրիում պատմության բնական շարունակությունն է և Հարավային Կովկասում ռազմավարական անվտանգության հիմքը։