ԱԹՍ-ների հարձակում Կուրսկի մարզում. տղամարդն ու նրա 13-ամյա որդին մահացել են
Ռուսաստանի Դաշնության Կուրսկի մարզի Ռիլսկի շրջանում ուկրաինական անօդաչու թռչող սարքի հարձակման հետևանքով, ըստ նախնական տվյալների, զոհվել է երկու մարդ։ Այս մասին հայտնել է մարզպետի պաշտոնակատար Ալեքսանդր Խինշտեյնը։
«Նախնական տեղեկությունների համաձայն՝ Ռիլսկի շրջանում թշնամու անօդաչու թռչող սարքի հարձակման հետևանքով զոհվել է երկու մարդ՝ 52-ամյա տղամարդը և նրա 13-ամյա որդին։ Հարձակման հետևանքով մեքենան հրկիզվել է, և նրանք մահացել են տեղում։ Խորին ցավակցություններս ընտանիքին։ Սա սարսափելի մահ է, սարսափելի կորուստ», – գրել է Խինշտեյնը իր տելեգրամյան ալիքում։
