Բելառուս դերասանին թույլ չեն տվել մուտք գործել Վրաստան
Հայտնի բելառուս դերասան Ալեքսանդր Ժդանովիչին թույլ չեն տվել մուտք գործել Վրաստան։ Այս տեղեկությունը, aliq.ge-ի փոխանցմամբ՝ հայտնել են լրատվամիջոցները։
Օգոստոսի 14-ին Ժդանովիչին մերժվել է մուտքը Քութաիսիի օդանավակայան։ Նշվել է «այլ պատճառներ»-ը։ Այսօր առավոտյան նա վերադարձել է Վարշավա։
«Պոզիրկ» լրատվամիջոցին տված մեկնաբանությամբ Ժդանովիչը ենթադրում է, որ Վրաստան մուտք գործելու մերժման պատճառները քաղաքական են։
«Ես ճշգրիտ չգիտեմ, թե ինչու ինձ թույլ չտվեցին մուտք գործել։ Հնարավոր է՝ բելառուսական և վրացական իշխանություններն ունեն «վտանգավոր» մարդկանց ընդհանուր տվյալների բազա»,- ասել է նա։
