«Ես երբեք չեմ ներելու մեր պարտությունը «կերտողներին»՝ լինի թշնամի, թե ազգակից». Համլետ Պետրոսյան
Պատմաբան, հնագետ, մշակութաբան Համլետ Պետրոսյանը գրում է.
«Գրում եմ անձամբ իմ անունից, հատկապես, իմ դիրքորոշման և անելիքի մասին: Գրում եմ հենց հիմա, երբ հայտնի են հռչակագրի մանրամասները:
Ես երբեք չեն մոռանալու, թե ինչ է արել թշնամին և երբեք չեմ ներելու մեր պարտությունը «կերտողներին»՝ լինի թշնամի, թե ազգակից:
Ես հիմա Միացյալ նահանգներում եմ, ջանում եմ հրատարակության պատրաստել Տիգրանակերտին նվիրված գրքի անգլերեն տարբերակը: Հանդիպել և հանդիպում եմ հայագետների և գործընկերների, ներկայացնում եմ մեր գիրքը, ակնկալում նրանց աջակցությունը: Շնորհակալ եմ բոլորին պատրաստակամության, խորհուրդների և հատկացրած ժամանակի համար:
Ես շարունակելու եմ այն, ինչն իմ մասնագիտական և քաղաքացիական կոչումն է: Անկախ, թե ինչ են որոշում և ինչպես ներկայացնում իրենց կատարածն ու չկատարածը իշխանություններն ու չիշխանությունները, օտարն ու թշնամին, բարեկամներն ու իմաստունները, ես ունեմ իմ սեփական առաքելությունը. ամեն ինչ անել, որ չմոռացվի, դատապարտվի և պատժվի իմ և իմ ժողվրդի հանդեպ կիրառված սպանդը, հայրենազրկումը, ունեզրկումն ու անպատվությունը»:
