Իրանի նախագահը մեկնել է Պակիստան
Իրանի նախագահ Մասուդ Փեզեշքիանը 2-օրյա այցով մեկնել է Պակիստան՝ Պակիստանի վարչապետ Շեհբազ Շարիֆի պաշտոնական հրավերով։ Այս մասին հայտնում է IRNA-ն:
Նախատեսվում է, որ այցի երկրորդ օրը Փեզեշքիանը հանդիպումներ կունենա Պակիստանի վարչապետի, նախագահի, ինչպես նաև Ազգային ժողովի և Սենատի ղեկավարների հետ։
Իսլամաբադում Իրանի դեսպան Ռեզա Ամիրի-Մոգադամը նշել է, որ այս այցի ընթացքում երկու երկրների պաշտոնյաները կստորագրեն մի շարք կարևոր համագործակցության փաստաթղթեր:
