Ինդոնեզիայի արևելքում գտնվող Լևոտոբի հրաբուխը կրկին ժայթքել է
Ինդոնեզիայի Ֆլորես կղզում գտնվող Լևոտոբի Լակի-Լակի հրաբուխը երկրորդ օրն անընդմեջ շարունակում է ժայթքել: Այս մասին հայտնում է Associated Press-ը:
Ըստ աղբյուրի՝ նախօրեին երեկոյան տեղի է ունեցել առաջին ժայթքումը և գրանցվել է լավայի արտանետում, մոխրի սյունը բարձրացել է մինչև 10 կմ: Հինգ ժամ անց հաջորդել է երկրորդ ժայթքումը, այս անգամ մոխիրը և հրաբխային ծագման նյութերը հասել են 18 կմ բարձրության:
Շրջանում գրանցվել են ստորգետնյա ցնցումներ։ Ինդոնեզիայի երկրաբանական գործակալությունը հրաբխի լանջերին հայտնաբերել է գազի ամպեր, լավա և ապարների կտորներ՝ ժայթքման վայրից մինչև 5 կմ հեռավորության վրա:
Տուժածների մասին դեռևս տեղեկություններ չկան:
