Ավստրալիայի հյուսիսում հայտնաբերվել է երկրի ամենածանր միջատը
Ավստրալիայի ամենածանր միջատը, որի քաշը գերազանցում է 40 գրամը, հայտնաբերվել է Քվինսլենդ նահանգի արևադարձային անտառներում, հաղորդում է ավստրալիական ABC հեռուստաալիքը։
«Խոշոր և մինչ այժմ անհայտ ձողակերպ միջատ է հայտնաբերվել Քվինսլենդ նահանգի հյուսիսում գտնվող մառախլապատ անտառներում և, ամենայն հավանականությամբ, սա Ավստրալիայի ամենածանր միջատն է»,- նշում է հեռուստաալիքը։
Նոր տեսակը ստացել է Acrophylla alta անունը: Հաղորդվում է, որ միջատի քաշը հասնում է մինչև 44 գրամի։ Այս միջատները սովորաբար բնակվում են բարձրադիր անտառներում՝ հիմնականում ծառերի կատարներում։
