Սպիտակում օձի խայթոցով 2 երեխա է հիվանդանոց տեղափոխվել
Սպիտակում օձի խայթոցով 2 երեխա են բուժկենտրոն տեղափոխվել։
Այս մասին հայտնում է Սպիտակի բժշկական կենտրոնը։
Նշվում է, որ կեսօրին մոտ բուժկենտրոն է ընդունվել 11-ամյա երեխա։ Հարազատների փոխանցմամբ՝ օձը երեխային խայթել է նախորդ օրը, սակայն այդ մասին իրենք իմացել են այսօր և անմիջապես տեղափոխել հիվանդանոց։
«Շտապ կարգով կազմակերպվել են համալիր բոլոր հետազոտությունները։ Իրականացվել է օձի խայթած վերքի առաջնային մշակում, ցուցաբերվել համապատասխան բուժօգնություն։ Երեխայի վիճակը գնահատվում լավ»,- հայտնում են ԲԿ-ից։
Դրանից ժամեր անց՝ 19։00-ի սահմաններում, բուժկենտրոն է ընդունվել 14-ամյա մեկ այլ երեխա՝ կրկին օձի խայթոցով։ Երեխան ստացել է անհրաժեշտ համապատասխան բուժօգնություն, այդ թվում` հակաթույն։
Բուժկենտրոնից հիշեցնում են՝ օձի խայթոցի դեպքում անհրաժեշտ է անհապաղ բուժօգնության դիմել։ Հիշեցնում են՝ ինքնաբուժումը չափազանց վտանգավոր է։
