Իրանի և Ֆրանսիայի արտաքին գործերի նախարարները քննարկել են երկու երկրների միջև հյուպատոսական հարաբերությունների վիճակը

Ֆրանսիայի արտաքին գործերի նախարար Ժան-Նոել Բարոուն այսօր՝ կիրակի, հուլիսի 6-ին, հեռախոսազրույց է ունեցել Իրանի արտաքին գործերի նախարար Սեյեդ Աբբաս Արաղչիի հետ, որը գտնվում է Բրազիլիայի Ռիո դե Ժանեյրո քաղաքում՝ մասնակցելու BRICS-ի 17-րդ գագաթնաժողովին։ Այս մասին հայտնում է IRNA լրատվական գործակալությունը:

Այս հեռախոսազրույցի ընթացքում երկու կողմերը քննարկել են տարածաշրջանում վերջին զարգացումները՝ Իրան-Իսրայել 12-օրյա պատերազմից հետո։

Իրանի և Ֆրանսիայի արտաքին գործերի նախարարները նաև քննարկել և մտքեր են փոխանակել երկու երկրների միջև հյուպատոսական հարաբերությունների վերջին վիճակի վերաբերյալ։