Ֆրանսիայում միաշարժիչ ինքնաթիռ է վթարվել
Ֆրանսիայի կենտրոնական Էնդր դեպարտամենտում միաշարժիչ ինքնաթիռ է կործանվել։
Այս մասին հուլիսի 5-ին հայտնել է դեպարտամենտի հրշեջ-փրկարարական կենտրոնը։
«Շատորու-Վիլեր օդանավակայանի թռիչքուղու վերջում ինքնաթիռը վթարվել է։
Օդաչուն, որն ինքնաթիռում միակ մարդն է եղել, մահացել է։ Խոսքը 60-70 տարեկան տղամարդու մասին է»,-գերատեսչության հայտարարությունը մեջբերում է Parisien թերթը։ Հրատարակությունը նշում է, որ դա միաշարժիչ ինքնաթիռ էր։
