Մենք հաճույքով կպատրաստենք Թրամփի հետ հանդիպումը. Պուտին
Ռուսաստանի նախագահ Վլադիմիր Պուտինը հայտարարել է, որ պատրաստ է հանդիպել ԱՄՆ նախագահ Դոնալդ Թրամփի հետ և դրական է վերաբերվում նման գագաթնաժողովի կազմակերպման գաղափարին։ Այս մասին նա ասել է Մինսկում՝ Եվրասիական տնտեսական միության գագաթնաժողովի արդյունքներով կայացած ճեպազրույցի ժամանակ։
«Ես մեծ հարգանքով եմ վերաբերվում ԱՄՆ գործող նախագահին։ Նա անցել է շատ ծանր, բարդ և ոչ անվտանգ ճանապարհ՝ վերադառնալու իշխանություն և Սպիտակ տուն։ Մենք բոլորս դա լավ գիտենք։ Նա նույնիսկ մահափորձ է վերապրել, ընդ որում՝ ոչ մեկը։ Նա խիզախ մարդ է, դա ակնհայտ է»,– նշել է Պուտինը։
Ռուսաստանի նախագահի խոսքով՝ Թրամփը անկեղծորեն ձգտում է կարգավորել իրավիճակը Ուկրաինայի ուղղությամբ։
«Ես միշտ բաց եմ շփումների, հանդիպումների համար։ Գիտեմ, որ պարոն Թրամփն էլ է խոսել նման հանդիպումների հնարավորության մասին», – հավելել է նա՝ ընդգծելով, որ նման բանակցությունները պետք է մանրակրկիտ պատրաստել։
«Իսկ ընդհանուր առմամբ հանդիպումը լիովին հնարավոր է, և մենք հաճույքով կզբաղվենք դրա նախապատրաստմամբ»,– նշել է ՌԴ նախագահը։
