Վրաստանում ապօրինի գտնվող 7 օտարերկրյա քաղաքացի է ձերբակալվել. ՆԳՆ
Վրաստանի ներքին գործերի նախարարության հաղորդմամբ՝ ձերբակալվել է 7 օտարերկրյա քաղաքացի, որոնք Վրաստանում էին գտնվում առանց օրինական հիմքերի։ Նրանք Հնդկաստանի և Նիգերիայի քաղաքացիներ են։ Այս մասին գրում է aliq.ge-ն։
«Պարզվել է, որ նրանք երկրում են գտնվել «Օտարերկրացիների և քաղաքացիություն չունեցող անձանց իրավական կարգավիճակի մասին» Վրաստանի օրենքով սահմանված պահանջների խախտմամբ։
Ներկայումս վերոնշյալ անձինք տեղափոխվել են Միգրացիայի դեպարտամենտի ժամանակավոր տեղավորման կենտրոնում, և իրականացվում են համապատասխան ընթացակարգեր նրանց երկրից վտարելու համար»,- հայտնել է Ներքին գործերի նախարարությունը։
