Արթուր Չախոյանը հիվանդանոցում է. 6 անձ ձերբակալված է
Քիչ առաջ Նոր Նորքի թաղապետարանում խմբով՝ վարչական շրջանի ղեկավար, ՔՊ-ի կցորդ «Հանրապետություն» կուսակցության ներկայացուցիչ Տիգրան Տեր-Մարգարյանի գլխավորությամբ ու գործուն մասնակցությամբ դաժան ծեծի ենթարկած Արթուր Չախոյանին տեղափոխեցին «Սուրբ Գրիգոր Լուսավորիչ» բժշկական կենտրոն:
Վերջինս ունի վնասվածքներ, ստանում է առաջին բուժօգնություն: Արթուր Չախոյանն ունի ձերբակալվածի կարգավիճակ:
ՆԳՆ Ոստիկանությունից 168.am-ի հարցին ի պատասխան՝ տեղեկացրեցին, որ միջադեպով 6 անձ ձերբակալվել է, կազմվում են համապատասխան փաստաթղթեր նախաքննական մարմին փոխանցելու համար:
Արդյո՞ք վարչական շրջանի ղեկավարը ձերբակալված է, ՆԳՆ ոստիկանությունից չպատասխանեցին:
