«Մեր առաջնային նպատակն է նվազեցնել գնաճը». Թուրքիայի փոխնախագահ
Գիրեսունում կայացած Տնտեսական համակարգման խորհրդի (EKK) նիստից հետո Թուրքիայի փոխնախագահ Ջևդեթ Յըլմազը հանդես է եկել մամուլի ասուլիսով։ Նա անդրադարձել է մի շարք օրակարգային հարցերի։ Այս մասին տեղեկացնում է ermenihaber.am-ը։
Խոսելով Թուրքիայի վրա ԱՄՆ մաքսատուրքերի ունեցած ազդեցության մասին՝ ընդծել է․ «Մեր առաջնային նպատակն է նվազեցնել գնաճը, մեծացնել արտադրության ծավալը հավասարակշռված աճի շրջանակներում և ապահովել կայուն սոցիալական վիճակ։ ԱՄՆ մաքսատուրքերի պարագայում մենք ավելի շահեկան դիրքերում ենք, քան շատ այլ երկրներ:
Մեր ներքին շուկան մեծ է, ինչն էլ սահմանափակում է արտաքին ազդեցությունները»:
Յըլմազը նշել է, որ քայլեր են իրականացվում սննդի մատակարարումը մեծացնելու և էներգետիկայի ոլորտում արտաքին կախվածությունը նվազեցնելու ուղղությամբ։
