Հայաստանի և Ադրբեջանի ԱԳ նախարարները քննարկել են խաղաղության համաձայնագրի տեքստի ավարտից հետո կարգավորման գործընթացում իրավիճակը
Անթալիայում երկկողմ հանդիպման ընթացքում Արարատ Միրզոյանն ու Ջեյհուն Բայրամովը քննարկել են Հայաստանի և Ադրբեջանի միջև խաղաղության և միջպետական հարաբերությունների հաստատման մասին համաձայնագրի տեքստի ավարտից հետո կարգավորման գործընթացում առկա իրավիճակը:
«Անթալիայի դիվանագիտական ֆորումի շրջանակում 2025 թվականի ապրիլի 12-ին Հայաստանի արտաքին գործերի նախարար Արարատ Միրզոյանը և Ադրբեջանի արտաքին գործերի նախարար Ջեյհուն Բայրամովը հանդիպում են ունեցել:
Կողմերը քննարկել են Հայաստանի և Ադրբեջանի միջև խաղաղության և միջպետական հարաբերությունների հաստատման մասին համաձայնագրի տեքստի ավարտից հետո կարգավորման գործընթացում առկա իրավիճակը»,- նշված է ՀՀ ԱԳ նախարարության X-ի հարթակում:
Գրառման մեջ նաև ընդգծվում է, որ Հայաստանի և Ադրբեջանի ԱԳ նախարարները պատրաստակամություն են հայտնել շարունակել երկխոսությունը։
