Թրամփ-Պուտին հեռախոսազրույցը կարող է տեղի ունենալ հաջորդ շաբաթ. Ուիթքոֆ
Ռուսաստանի նախագահ Վլադիմիր Պուտինի և նրա ամերիկացի գործընկեր Դոնալդ Թրամփի հեռախոսազրույցը կարող է տեղի ունենալ հաջորդ շաբաթ։ Այս մասին CNN-ի եթերում հայտարարել է ԱՄՆ նախագահի բանագնաց Սթիվեն Ուիթքոֆը:
«Ես ակնկալում եմ, որ այս շաբաթ (նկատի ունի սկսվելիք շաբաթը-Խմբ.) երկու նախագահների միջև խոսակցություն տեղի կունենա: Մենք նաև շարունակում ենք շփվել և զրուցել ուկրաինացիների հետ», – նշել է ԱՄՆ նախագահի բանագնացը:
Նա հավելել է, որ այս շաբաթ իր հանդիպումը Ռուսաստանի նախագահ Վլադիմիր Պուտինի հետ դրական է եղել և տևել է երեքից չորս ժամ:
«Ես հանդիպեցի նախագահ Պուտինի հետ, հանդիպումը տևեց մոտ երեք-չորս ժամ: Այն դրական էր: Դա քննարկում էր, որը հիմնված էր հակամարտության լուծումների վրա: Ես այդպես կբնութագրեի այն», – ասել է նա CNN-ին տված հարցազրույցում:
