ՌԴ-ում ՀՀ դեսպան Գուգեն Արսենյանը ՌԴ-ում հերթական արևմտյան դեսպանին է հանդիպել
Մարտի 11-ին Ռուսաստանի Դաշնությունում Հայաստանի Հանրապետության դեսպան Գուրգեն Արսենյանը հանդիպել է ՌԴ-ում Բելգիայի դեսպան Միշել Ժերեբցոֆի հետ։ Այս մասին տեղեկացնում է դեսպանության ֆեյսբուքյան պաշտոնական էջը։
Հաղորդագրության համաձայն՝ աշխատանքային մթնոլորտում կողմերը քննարկել են Հայաստանի և Բելգիայի համար փոխադարձ հետաքրքրություն ներկայացնող հարցերի լայն շրջանակ։ Գուրգեն Արսենյանը ՌԴ-ում իր դիվանանագիտական առաքելության շրջանակում վերջին ամիսներին աչքի է ընկնում հատկապես արևմտյան դեսպանների հետ իր ակտիվ շփումներով։ Դեկտեմբերից սկսած նա հանդիպել է ՌԴ-ում ԱՄՆ դեսպան, ՀՀ-ում ԱՄՆ նախկին դեսպան Լին Թրեյսիի, ապա ՌԴ-ում Սլովենիայի դեսպան Ալենկա Սուխադոլնիկի, ինչպես նաև ՌԴ-ում Լեհաստանի դեսպան Կշիշտով Կրաևսկիի հետ։
